Электрон тоглоомын CS2-ын төрлийн "PGL Bucharest 2025" тэмцээн Румын Улсын нийслэл Бухарест хотод өнөөдөр буюу дөрөвдүгээр сарын 6-д эхэлнэ. $1,250,000 (4.37 тэрбум төгрөг) шагналын сантай дэлхийн шилдэг 16 баг оролцоа тэмцээнд Монголын "The MongolZ" баг тоглоно.
Тэд эхний тоглолтоо өнөөдөр Францын "3DMAX" багтай хийнэ. Хоёр баг сүүлд "ESL Pro League Season 21" тэмцээнд учраа таарахад Монгол залуус 2-0 (Ancient 13-7, Dust II 13-4) харьцаагаар хожиж байсан билээ.
The MongolZ багийн бүрэлдэхүүнд дасгалжуулагчаар Баянбатын Эрдэнэдалай /maaRaa/, багийн ахлагч Бямбасүрэнгийн Гарьдмагнай /bLitz/, Мөнхболдын Содбаяр /Techno4K/, Банзрагчийн Өсөхбаяр /910/, Батболдын Аюуш /mzinho/, Мөнхболдын Азбаяр /Senzu/ нар тоглоно.
